ونىڭ اشىلۋ سالتاناتىندا وبلىس اكىمىنىڭ ورىنباسارى انتون فەدياەۆ, توتەنشە جاعدايلار دەپارتامەنتىنىڭ باسشىسى راميل كامالوۆ ءسوز سويلەپ, قاتىسۋشىلارعا ساتتىلىك تىلەدى.
قازاقستان رەسپۋبليكاسىندا تۇڭعىش رەت ورتكە قارسى قىزمەتتىڭ 100 جىلدىعىنا ارنالعان فۋنكتسيونالدى ءورت كوپسايىسى بويىنشا العاش رەت ۇيىمداستىرىلعان ايماقارالىق چەمپيوناتتىڭ باعدارلاماسى شەڭبەرىندە 13 كۇشتىك جاتتىعۋلار, ونىڭ ىشىندە ءبىر قولمەن سالماعى 24 كيلو تارتاتىن گىردى كوتەرۋ, جۇگىرۋ, قىسىمدى ءورت ءسوندىرۋ شلانگىلەرىمەن جالعاستىرۋ, گاز باللوندارىن تاسىمالداۋ, ءتىپتى ارقانعا بايلانعان ءاۆتوموبيلدى 50 مەترگە دەيىن قوزعالتۋ سەكىلدى كۇردەلى مىندەتتەر ورىندالدى. ءوز كوماندالارىن قىزۋ قولداعان جانكۇيەرلەر LED ەكرانى ارقىلى ءورت سوندىرۋشىلەر مەن قۇتقارۋشىلار جايلى بەينەروليكتەردى تاماشالادى. بالالار اراسىندا ازاماتتىق قورعاۋ تاقىرىبىنا ارنالعان ۆيكتورينالار وينالدى.
ءورت سوندىرۋشىلەر اراسىنداعى جەكەلەگەن سىندار قورىتىندىسىندا قوستاناي وبلىسىنىڭ وكىلى دميتري بالاتسكو جەڭىمپاز اتاندى. ەكىنشى ورىندى سولتۇستىك قازاقستان وبلىسىنىڭ وكىلى رۋسلان مۇستافين يەلەندى. كوماندالار بويىنشا الاڭ يەلەرى جەڭىستىڭ ەڭ بيىك تۇعىرىنا كوتەرىلدى. ەكىنشى, ءۇشىنشى ورىنداردى قوستانايلىقتار مەن استانالىقتار ءبولىستى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
